Ba bai, hala da, lagunok, informazio itsaso honetan galtzen den kaka informazioaren parte den nire superblogaren irakurle amorratuak: BERRIRO ERE AMAZON-ETIK BOTA NAUTE.
Esango duzue, baina hiru kaka-liburu dauzka eta! Deus ez duelako saltzen botako zuten. ERROREA, ez naute bota ez saltzeagatik … izan zitekeela. Aurretik ere bota egin nindutela eta trikimailu batekin itzuli nintzela konturatu direlako baizik.
Orain, zergaitik bota ninduten jakiteko irrikitan zaudete ezta? eta bestela ere kontatuko dizuet, lasai: Pornografikoegia izateagatik izan zen. Eta harro nago! Kontua da nire lehen liburua kontakizun erotikoen liburua izan zela, baina ez hori bakarrik, LIBURU ILUSTRATUA DA. Sinesten ez baduzute, betiko euskaraz eta spanishez eros dezakezue (liburu hau Zukafukamusuka deitzen da orrialdearen amaieran dago, ez etsi hiru liburu baino ez daude eta jarraitu eskroleatzen).
ZUKAFUKAMUSUKA kontakizun beroen bilduma bat da, eta nire lagun Arantzazu dioenez, lehen mailako “kanpaia jotzeko bilduma” bat da. Jokin Mitxelenak, bai Jokin Mitxelenak, Euskadi Saria eta Gizon katxarroak, marraztutako ilustrazioak ditu barruan eta horiek, argitalpena lehen mailako artelana bihurtzen dute.
Ba EZ, Amazoni ez zaizkio gustatzen jarrera larrujotzaile nabaria duen jendearen marrazkiak. Jarrera hiltzailean egon daitezke, mehatxuka, gorputza lehertuta edo beso bat zintzilik dutela, baina bizitza osoko metasakaren kontua, niente de niente. Negozioa itxi zidaten HIRU LIBURU bat saldu ondoren.
Gaur damu naiz, baina orduan negar egin nuen, belauniko erregutu nuen, eta arrastaka ibili nintzen AMAZON negozioaren parte izaten jarraitzeko. Iparramerikar mojigatu batzuen negozioan jarraitzeko. Baliabideak irensten dituen eta produktuak botaka egiten dituen munstro horrena. Satisfyer batzuk bota ditzake mundura, baina esperientzia TOP bat izateko behar duen materiala ukatzen dizu. Laburbilduz: EZ NUEN EZER LORTU. Bota egin ninduten.
Geroxeago, Perdiendo la cabeza eleberriarekin, Adrián Naranjok, nire editore ospetsu eta burusoilak (biziki gomendatzen dizuet bere newsletterra) berriz ere Amazonen alta eman zidan beste helbide elektroniko batekin, Negozioa berriz ere martxan, dena superok. Dena, salmentak izan ezik, jakina, baina horretaz beste egun batean hitz egingo dizuet.
Ta zapla! urtebete eta gero, gutxien espero ez nuenean, berriro ere kontua itxi behar zidatela abisatu didate! Algoritmoak, edo Oklahomako txoriburu bibliazaleren batek, nire izena aurreko kontuarekin konektatu dute eta txispun, kontua ITXITA berriro. Baina oraingoan PASO.
Badakit eltxo bat dinosauro bat ziztatzea modukoa dela, baina ez dut parte hartu nahi barruko arropa ez daraman artea saldu nahi ez duen negozioan. Beste denda bat bilatuko dut EZ SALTZEKO, gutxienez nire ikuspegiarekin bat egiten duen leku bat. ETA KITTO!